Հունիսի 28-ին, Բարձրագույն դատական խորհուրդը կազմակերպել էր Վերաքննիչ քրեական դատարանի նախագահի ընտրություն: Գաղտնի քվեարկության արդյունքներով ՀՀ վերաքննիչ քրեական դատարանի նախագահ է ընտրվել Վազգեն Ռշտունին:

Իրավաբան.net-ը ձեզ է ներկայացնում դատավորի կենսագրությունը:

Վազգեն Ռշտունին ծնվել է 1980 թվականին Երևան քաղաքում:

2000 թվականին ավարտել է ԵՊՀ իրավագիտության ֆակուլտետի բակալավրիատը:

2002 թվականին ավարտել է նույն ֆակուլտետի մագիստրատուրան:

2005 թվականին ավարտել է ՀՀ ԳԱԱ փիլիսոփայության, սոցիոլոգիայի և իրավունքի ինստիտուտի ասպիրանտուրան:

2004 թվականից մինչև 2005 թվականն աշխատել է ՀՀ արտաքին գործերի նախարարության իրավաբանական վարչության ՀՀ միջազգային պայմանագրերի կատարման և ներպետական իրավունքների բաժնում՝ որպես իրավաբան:

2005 թվականին աշխատել է որպես «Համահայկական երիտասարդական միջազգային կենտրոն» հիմնադրամի իրավաբան:

2005 թվականից մինչև 2008 թվականն աշխատել է ՀՀ վճռաբեկ դատարանի աշխատակազմի իրավական փորձաքննությունների վարչությունում՝ նախ որպես մասնագետ, ապա՝ ավագ մասնագետ, այնուհետև՝ վարչության պետ:

2008 թվականից մինչև 2009 թվականն աշխատել է Երևանի քրեական դատարանի դատավոր:

2009 թվականից մինչև 2013 թվականն աշխատել է դատավոր Երևան քաղաքի Աջափնյակ և Դավթաշեն վարչական շրջանների ընդհանուր իրավասության առաջին ատյանի դատարանում:

2013 թվականից մինչև 2014 թվականն աշխատել է որպես ՀՀ Կոտայքի մարզի դատախազ:

2014 թվականից 2016 թվականն աշխատել է ՀՀ վերաքննիչ քրեական դատարանի դատավոր:

Հայաստանի Հանրապետության Նախագահի 2016 թվականի փետրվարի 19-ի հրամանագրով նշանակվել է Հայաստանի Հանրապետության վերաքննիչ քրեական դատարանի նախագահ