Կառավարությունը որոշում կընդունի «Արիդես» ընկերությանը «Ալյանս» ազատ տնտեսական գոտու շահագործողի թույլտվություն տրամադրել

Հունիսի 21-ին կառավարությունը կքննարկի «Արիդես» սահմանափակ պատասխանատվությամբ ընկերությանն «Ալյանս» ազատ տնտեսական գոտու շահագործողի թույլտվություն տրամադրելու մասին հարցը։

Որոշման նախագի համաձայն, Հայաստանի Հանրապետության կառավարության 2013 թվականի հուլիսի 18-ի թիվ 785-Ա որոշմամբ «ՌԱՕ ՄԱՐՍ» ՓԲԸ և «ԵրՄՄԳՀԻ» ՓԲԸ տարածքներում ստեղծվել է ազատ տնտեսական գոտին, 2013 թվականի օգոստոսի 1-ին գործարկվել է «Ալյանս» ազատ տնտեսական գոտին, 2013 թվականի օգոստոսի 14-ին ՀՀ էկոնոմիկայի նախարարության (ներկայիս՝ ՀՀ տնտեսական զարգացման և ներդրումների նախարարություն) և «ՍԻՏՐՈՆԻԿՍ ԱՐՄԵՆԻԱ» ՓԲԸ միջև կնքվել է վերոնշյալ ազատ տնտեսական գոտու կազմակերպման մասին պայմանագիրը, ինչը հնարավորություն է տալիս շահագործել վերոնշյալ ազատ տնտեսական գոտին:

«ԱՐԻԴԵՍ»  սահմանափակ պատասխանատվությամբ ընկերության կողմից Հանձնաժողովին է ներկայացվել «Ալյանս» ազատ տնտեսական գոտու շահագործման թույլտվություն ստանալու համար համապատասխան հայտ:

«Ալյանս» ազատ տնտեսական գոտում շահագործողների գործունեությունը հնարավորություն կընձեռի ներգրավել ներդրումներ, խթանել բարձր և տեղեկատվական տեխնոլոգիաների ոլորտում ստեղծված արդյունքի արտահանմանը, նպաստել տվյալ հատվածում հայկական բրենդի ճանաչմանն ու տարածմանը:

Որոշման նպատակն է թույլատրել «ԱՐԻԴԵՍ» սահմանափակ պատասխանատվությամբ ընկերությանը «Ալյանս» ազատ տնտեսական գոտում` «ՌԱՕ ՄԱՐՍ» ՓԲԸ տարածքում շահագործողի կարգավիճակով գործունեություն ծավալելը:

Իրավաբան.net

Հետևեք մեզ Facebook-ում

  Պատուհանը կփակվի 6 վայրկյանից...   Փակել