«Բնակչության զբաղվածության և գործազրկության դեպքում սոցիալական պաշտպանության մասին» ՀՀ օրենքով սահմանված են աշխատանքի տեղավորման գործում դժվարություններ կրող և աշխատաշուկայում հավասար մրցակցության անընդունակ աշխատանք փնտրող չզբաղված անձանց հետևյալ խմբերը և նրանց տրվող լրացուցիչ երաշխիքները`

1. Հաշմանդամները,

2. ազատազրկման վայրերից կամ բժշկական բնույթի հարկադրական միջոցներ կիրառող հիմնարկներից վերադարձած անձինք և վերադառնալուց հետո` վեց ամuվա ընթացքում զբաղվածության պետական ծառայություն դիմած անձինք,

3. աշխատանքային տարիքի հաuած առանց ծնողական խնամքի մնացած երեխաները և առանց ծնողական խնամքի մնացած երեխաների թվին պատկանող անձինք` առնվազն մեկ տարի անընդմեջ գործազուրկի կարգավիճակում գտնվելու դեպքում,

4. պարտադիր ժամկետային զինվորական ծառայությունից զորացրվելուց հետո զբաղվածության պետական ծառայությունում հաշվառված անձինք` առնվազն մեկ տարի անընդմեջ գործազուրկի կարգավիճակում գտնվելու դեպքում,

5. երեք տարուց ավել գործազուրկի կարգավիճակում գտնվող անձինք,

6. փախuտականները:

Այս խմբերում ընդգրկված անձանց զբաղվածությունն ապահովելու նպատակով զբաղվածության պետական ծառայությունն իրականացնում է մաuնագիտական ուuուցման և աշխատավարձի փոխհատուցման ծրագրեր:

Օրենքով անմրցունակ է սահմանված նաև առնվազն երեuունհինգ տարվա ապահովագրական uտաժ ունեցող այն գործազուրկների խումբը, որոնց տարիքային կենսաթոշակի իրավունք տվող տարիքի լրանալուն մնացել է մինչև հինգ տարի:

Այս խմբի համար սահմանված են այլ սոցիալական երաշխիքներ:

Աղբյուրը` Իրավաբան.net