Վիճակախաղին մասնակցելու իրավունք ունեն միայն 18 տարեկանը լրացած անձինք: Այս մասին սահմանում է «Վիճակախաղերի մասին» ՀՀ օրենքի 5-րդ հոդվածի 5-րդ կետը:
Սակայն վերջին փոփոխություններից հետո նոր, ավելի խիստ պատիժ է նախատեսվել այն խաղերի կազմակերպիչների համար, ովքեր կխախտեն օրենքը:
Այսպիսով, խաղերի կազմակերպիչները խաղերին անչափահասների մասնակցությունը թույլ տալու համար առաջին անգամ՝ խախտման յուրաքանչյուր դեպքի համար կտուգանվեն 2 միլիոն դրամի չափով, առաջին անգամ խախտումը հայտնաբերելու օրվանից երկու տարվա ընթացքում երկրորդ անգամ խախտում թույլ տալու համար՝ 5 միլիոն դրամի չափով, իսկ առաջին անգամ խախտումը հայտնաբերելու օրվանից երկու տարվա ընթացքում երրորդ և յուրաքանչյուր հաջորդող անգամ՝ խախտման յուրաքանչյուր դեպքի համար` 10 միլիոն դրամի չափով:
Փետրվարի 7-ին ընդունված այս օրենքը ուժի մեջ կմտնի ապրիլի 1-ից:
Եվգենյա Համբարձումյան
