Ինչպես նախագահը, նոր նախագծով նաև վարչապետը այլևս չի կարողնա ինքն իրեն պարգևատրել: Ազգային ժողովում քննարկվում է «Հայաստանի Հանրապետության պետական պարգևների և պատվավոր կոչումների մասին» Հայաստանի Հանրապետության օրենքում փոփոխություններ և լրացումներ կատարելու մասին օրենքի նախագիծը:
«Քննարկման առարկա կդարձնենք նաև, թե պետք է արդյոք սահմանափակում նախատեսել ԱԺ նախագահի, ՍԴ նախագահի և բարձրագույն դատական խորհրդի նախագահի համար՝ ասելով, որ նրանք ևս չպետք է պարգևատրվեն: Այստեղ ուղղակի տարբերությունն այն է, որ վարչապետը կարող է նաև նախագահին առաջարկել պարգևատրել օրինակ՝ ԲԴԽ այս կամ այն անդամին կամ նախագահին և սա էր տրամաբանությունը, որ մենք արգելք չէինք դրել, որ այս անձինք ևս կարող են պարգևատրվել պաշտոնավարման ընթացքում»,-նշեց արդարադատության նախարարի առաջին տեղակալ Արթուր Հովհաննիսյանը:
Հարցի քննարկումը ավարտվեց, նախագիծը քվերակության կդրվի հաջորդ նիստի ընթացքում:
