Երևանի քաղաքապետ Տարոն Մարգարյանը նոր որոշում է ստորագրել, որով Երևան համայնքի սեփականություն համարվող Եղբայրության փողոցի հ.19 շենքի հ.38՝ 30.05քմ մակերեսով բնակարանը նվիրել Օրբել, Ալեքսանդր, Անգելինա Սևոյաններին և Գրետա Վարդանյանին՝ որպես սեփականություն։
Նվիրատվության մասին պայմանագիրը ենթակա է նոտարական վավերացման, իսկ դրանից ծագող իրավունքը՝ պետական գրանցման անշարժ գույքի պետական ռեգիստրի համապատասխան ստորաբաժանումում:
Պետական գրանցման և նոտարական վավերացման հետ կապված ծախսերը կատարվում են նվիրառուների կողմից։
Որոշումը կարող է վարչական կարգով բողոքարկվել Երևանի քաղաքապետին՝ դրա ուժի մեջ մտնելու օրվանից երկու ամսվա ընթացքում կամ դատական կարգով Հայաստանի Հանրապետության վարչական դատարան՝ երկամսյա ժամկետում։
