Երբ Հայկազ Բաղմանյանի վերաբերյալ կունենանք տեղեկատվություն, կստուգենք և անհարաժեշտության դեպքում կհետևի քրեական պատասխանատվություն: Այս մասին, այսօր՝ դեկտեմբերի 9-ին, հակակոռուպցիոն մրցանակաբաշխության շրջանակներում, լրագրողների հետ զրույցում ասաց ՀՀ գլխավոր դատախազ Արթուր Դավթյանը անդրադառնալով ՀՀ զինված ուժերի գլխավոր շտաբի պետի արդեն նախկին տեղակալ Հայկազ Բաղմանյանի աշխատանքից ազատմանը:
Արթուր Դավթյանի խոսքով՝ նրա ազատման պատճառների մասին նրան հայտնի է այնքան, որքան հայտնի է ամբողջ հանրությանը, և այդ պատճառները որևէ հանցավոր դրսևորման մասին տեղեկություններ չեն պարունակել:
Հիշեցնենք, որ դեկտեմբերի 5-ին Հայկազ Բաղմանյանը նախագահի հրամանագրով ազատվել է ԶՈՒ գլխավոր շտաբի պետի տեղակալի պաշտոնից:
Պաշտպանության նախարար Վիգեն Սարգսյանը հայտարարել էր, որ նա զորացրվելու զեկուցագիր է ներկայացրել՝ իր հորդորով: Վիգեն Սարգսյանը նշել էր, որ Բաղմանյանը չի կատարել աշխատանքային պայմանավորվածությունները, և համատեղելի չէ ծառայության հետ:
