Հորդանան գետի արևմտյան ափի ու Գազայի հատվածի որոշ մասերում բախումներ են սկսվել պաղեստինցիների ու իսրայելական ուժերի միջև։ Այս մասին հայտնում է ria.ru-ն՝ վկայակոչելով Իսրայելի պաշտպանական բանակի ներկայացուցչին:
«Ընթանում են բախումներ: Այժմ փորձում ենք պարզել մանրամասները»,-նշում է աղբյուրը:
Միացյալ Նահանգների նախագահ Դոնալդ Թրամփը Սպիտակ տանը կայացած կարճատև ճեպազրույցի ժամանակ հայտարարել է․ «Վստահ եմ, որ ժամանակն է Երուսաղեմը պաշտոնապես Իսրայելի մայրաքաղաք ճանաչել: Մինչ նախկին նախագահները միայն խոստումներ էին տալիս այս մասին, սակայն իրենց խոսքը չէին պահում, ես պատրաստ եմ դա անել: Երուսաղեմն Իսրայելի մայրաքաղաքն է: Այս փաստի ճանաչումը ոչ ավելին է, քան իրականության ընդունում»:
Երուսաղեմը պաշտոնապես Իսրայելի մայրաքաղաք ճանաչելու որոշման դեմ բողոքի է հանգցրել քրիստոնյաների համար սրբազան համարվող Բեթղեհեմ քաղաքի Սուրբ Ծննդյան տաճարի մոտ տեղադրված տոնածառի լույսերը:
Պաղեստինյան Ռամալլահ քաղաքի բնակիչներից մեկը ria.ru-ի հետ զրույցում հայտնել է, որ քաղաքում ու Պաղեստինի մյուս տարածքներում համընդհանուր գործադուլ է անցկացվում: Իսրայելական հսկիչ-անցագրային կետերի մոտ կառուցվում են բարիկադներ, մարդիկ այրում են մեքենաների անիվները:
Գործադուլի շրջանակում փակվել են դպրոցները, կրթական այլ հաստատություններ, խանութներ:
Պաղեստինյան իշխանությունները կոչ են արել քաղաքացիներին կազմակերպել բողոքի ակցիաներ, որպեսզի իրենց ձայնը հասնի միջազգային հանրությանը:
Clashes in Bethlehem following Trump’s ‘Jerusalem move’
Clashes in West Bank following Trump’s ‘Jerusalem move’ (Mix of feeds from Ramallah & Bethlehem)FOLLOW LIVE UPDATES: https://on.rt.com/8tys
Posted by RT on Donnerstag, 7. Dezember 2017