Նորություններ

Կոտայքում ՏԻՄ ընտրություններում հաղթած թեկնածուները

Կոտայքի մարզում ընտրելու իրավունք ունեցող 42.397 քաղաքացիներից քվերարկել է 23.107-ը: Քաղաքացիները ընտրում էին ներկայացված հինգ համայնքի ղեկավարների:

Հակոբ Բալասյան

Բյուրեղավանում առաջադրված միակ թեկնածուի՝ Հակոբ Բալասյանի օգտին քվեարկել է 4267 քաղաքացիներից 3235-ը: Այս համայնքում ընտրելու իրավունք ուներ 8773 քաղաքացի:

Նորայր Սարգսյան

Եղվարդում նույնպես առաջադրված էր 1 թեկնածու, Նորայր Սարգսյանը: Եղվարդում ընտրելու իրավունք ունեցող 19090 քաղաքացիներից 8339 քվեարկել է նրա օգտին: Ընդհանուր առմամբ, ընտրությանը մասնակցել է 9400 եղվարդցի:

Կառլեն Հովհաննիսյան

Տեղական ինքնակառավարման մարմինների ընտրության համար Մեղրաձորում առաջադրվել էր 2 թեկնածու՝ Սամվել Մկրտչյանը և Կառլեն Հովհաննիսյանը: Ընտրությանը մասնակցած 2592 ընտրողից 1876-ը իր ձայնը տվել է Կառլեն Հովհաննիսյանին: Նշենք, որ ընտրությանը մասնակցելէ 4345 մեղրաձորցի:

Հունան Ռուբենյան

Ակունք համայնքում առաջադրված միակ թեկնածուն՝ Հունան Ռուբենյանը հավաքել է 3397 ձայն: Համայնքի 7064 բնակչից ընտրությանը մասնակցել է 3674-ը:

Ռոբերտ Պետրոսյան

Ջրվեժի համայնքապետ է ընտրվել Ռոբերտ Պետրոսյանը: Քվեարկությանը մասնակցած 3174 ընտրողից 2842-ը քվեարկել են նրա օգտին: Դեմ է քվեարկել 233 ընտրող:

Նշենք, որ երեկ՝ նոյեմբերի 5-ին,  հանրապետության թվով 69 համայնքներում ընթացող տեղական ինքնակառավարման մարմինների ընտրությունների քվեարկության մասնակիցների թիվը եղել է 243.335 քաղաքացի  կամ ընտրողների 50.06 տոկոսը:

 

Եվգենյա Համբարձումյան

Իրավաբան.net 

 

  Դիտվել է`

Իրավաբան TV

Հետևեք մեզ Facebook-ում

  Պատուհանը կփակվի 6 վայրկյանից...   Փակել