Նորություններ

Ի՞նչ կարողություն ունեն Երևանի վարչական շրջաններից 4-ի ղեկավարները

Իրավաբան.net-ը շարունակում է ներկայացնել Երևանի 12 վարչական շրջաններից հաջորդ 4 ղեկավարների հայտարարագրված եկամուտներն ու ունեցվածքը: Նախորդ մասում անդրադարձել ենք Ավան, Արաբկիր, Աջափնյակ և Դավիթաշեն վարչական շրջանների ղեկավարներին։

Վարչական շրջանների ղեկավարները առաջին անգամ ներկայացրել են իրենց գույքն ու եկամուտները՝ ներկայացնելով հայտարարագրեր՝ պաշտոնը ստանձնելու պահին։

Արմեն Սարգսյան

Ըստ ներկայացված հայտարարագրի՝ Շենգավիթ վարչական շրջանի ղեկավար Արմեն Սարգսյանն ունի անհատական բնակելի տուն` հողամասի վրա կառուցված, իր տնտեսական շինություններով:

Որպես շարժական գույք Սարգսյանը հայտարարագրել է Lexus ES 300 մակնիշի ավտոմեքենա: Նրա դրամական միջոցները պաշտոնը ստանձնելու պահին կազմել են 32.670.000 դրամ:

Շենգավիթ վարչական շրջանի ղեկավարի եկամուտը կազմել է 1.464.600 դրամ, որը ստացվում է աշխատավարձից:

Նշենք, որ Սարգսյանն այս պաշտոնին է նշանակվել 2011թ-ի դեկտեմբերի 5-ին:

Արթուր Կիրակոսյան

Երևանի Նուբարաշենի վարչական շրջանի ղեկավար Արթուր Կիրակոսյանը իր պաշտոնին նշանակվել է 2013թ. հունիսի 17-ին:

Նա որպես շարժական գույք է հայտարարագրել Land Rover Sport 4.2 մակնիշի ավտոմեքենա:

Արթուր Կիրակոսյանի դրամական միջոցները պաշտոնը ստանձնելու պահին կազմել են 3.000.000 դրամ և 13.000 դոլար:

Նուբարաշենի ղեկավարի եկամուտները ստացվել են աշխատավարձից և կազմել՝ 1.661.520 դրամ:

Վաղինակ Մկրտչյան

Երևանի Նորք-Մարաշ վարչական շրջանի ղեկավար Վաղինակ Մկրտչյանը  պաշտոնը ստանձնելու պահին հայտարարագրել է 1.000.000 դրամ և 25.000 դոլար:

Նրա եկամուտը ևս ստացվել է աշխատավարձից՝ 1.910.440 դրամ:

Վարչական շրջանի ղեկավարի պաշտոնին նա նշանակվել է 2015թ. դեկտեմբերին:

 

Արտակ Ալեքսանյան

Երևանի Մալաթիա-Սեբաստիա վարչական շրջանի ղեկավար Արտակ Ալեքսանյանը իր պաշտոնին նշանակվել է 2013 թվականին: 

Նա կարծես թե շքեղ մեքենաների սիրահար է: Որպես անշարժ գույք Ալեքսանյանը հայտարարագրել է 5 մեքենա՝ Toyota Corolla 1.6, Bentley Mulsanne, Rolls-Royce Ghost, BMW X6 5.0 I և մեկ բեռնափոխադրող  Ford Transit  FT 100 2.5 TD մակնիշների:

Արտակ Ալեքսանյանը պաշտոնը ստանձնելու պահի դրությամբ որպես բաժնետոմս է հայտարարագրել 368.000.000 դրամ: Նրա դրամական միջոցները կազմել են 180.000.000 դրամ, 1.250.000 դոլար և 620.000 եվրո:

Եկամուտները ստացվել են մեկ աղբյուրից՝ աշխատավարձից, որը կազմել է 1.433.883 դրամ:


շարունակելի

Ալիսա Չիլինգարյան

Կարդացեք նաև՝  Երևանի վարչական 4 շրջանի ղեկավարների գույքն ու եկամուտները  (Ավան, Արաբկիր, Աջափնյակ, Դավիթաշեն)

Իրավաբան.net

 

  Դիտվել է`

Իրավաբան TV

Հետևեք մեզ Facebook-ում

  Պատուհանը կփակվի 6 վայրկյանից...   Փակել