Նովոսիբիրսկ-Կրասնոյարսկ չվերթի ուղևորն ինքնաթիռում մահացել է

Ռուսական «Պոբեդա» ավիաընկերության Նովոսիբիրսկ-Կրասնոյարսկ-Նովոսիբիրսկ առավոտյան չվերթի ուղևորը ինքնաթիռում մահացել է: Այս մասին հաղորդում է «Տասս» լրատվական գործակալությունը:

Ինքնաթիռը չի հասցրել օդ բարձրանալ, դեռ օդանավակայանի թռիչքուղում է եղել, երբ 1953 թվականին ծնված Նովոսիբիրսկի քաղաքացու ինքնազգացողությունը վատացել է, ահազանգով ժամանել է օդանավակայանի շտապ օգնության բրիգադը, այնուհետ վրա է հասել մահը:

Տղամարդու մահվան հանգամանքները պարզվում են, տեղում աշխատում են իրավապահներն ու փորձագետները:

Դեպքի պատճառով ինքնաթիռը Նովոսիբիրսկ է հասել 2 ժամ ուշացումով:

Իրավաբան.net

Հետևեք մեզ Facebook-ում

  Պատուհանը կփակվի 6 վայրկյանից...   Փակել