Նորություններ

Աշխատանքային քննարկում «Կառուցողական երկխոսության հանձնառություն» ծրագրի ռեգիոնալ պատասխանատուների հետ

«Կառուցողական երկխոսության հանձնառություն» ծրագրի շրջանակներում այսօր տեղի ունեցավ ռեգիոնալ կենտրոնների համակարգողների հետ աշխատանքային քննարկում։

Հանդիպումը վարում էր Ծրագրի ղեկավար, Իրավաբանների հայկական ասոցիացիայի նախագահ Կարեն Զադոյանը և ծրագրի ղեկավարի տեղակալ/դրամաշնորհների կառավարիչ Արտակ Սարիբեկյանը, աշխատանքային քննարկմանը ներկա էին Երևանի կենտրոնական գրասենյակի իրախորհրդատու Արմինե Չախալյանը, Վանաձորի գրասենյակի իրավաբան/ինկուբատորների պատասխանատու Արթուր Սուքիասյանը, Գավառի գրասենյակի իրավաբան/ինկուբատորների պատասխանատու Լիանա Մակվեցյանը, Կապանի գրասենյակի իրավաբան/ինկուբատորների պատասխանատու Հրայր Խաչատրյանը, Վիկտորիա Եգոյանը, ով Գյումրու գրասենյակի իրավաբան/ինկուբատորների պատասխանատուն է, ինչպես նաև Արարատում ԻՀԱ ներկայացուցիչ Տիգրան Մաթևոսյանը։

Հանդիպման ընթացքում քննարկվեցին ծրագրի շրջանակներում «Հասարակական կազմակերպությունների մասին» նոր օրենքի վերաբերյալ հասարակական կազմակերպություններին տրամադրվող իրավաբանական օգնության և ՀԿ-ների իրազեկության բարձրացման հետ կապված խնդիրներ։ Հիշեցնենք, որ այս փուլում Ծրագրի ներկայացուցիչները «Հասարակական կազմակերպությունների մասին» նոր օրենքի վերաբերյալ դասընթացներ են իրականացնում Հայաստանի մարզերում և խոշոր քաղաքներում, զուգահեռաբար տրամադրվում է իրավաբանական խորհրդատվություն` ՀԿ-ների կանոնադրությունները «Հասարակական կազմակերպությունների մասին» նոր օրենքի պահանջներին համապատասխանեցնելու նպատակով։

Երևանի և մարզային գրասենյակների իրավախորհրդատուները ներկայացրեցին կատարված աշխատանքներն ու արդյունքները, ինչպես նաև խոսեցին առկա խնդիրներից և հետագա անելիքներից։ Նրանք փաստեցին, որ Ծրագրի նկատմամբ հետաքրքրությունը բավականին մեծ է․ մի քանի տասնյակից ավելի ՀԿ-ներ արդեն իսկ հայտեր են ներկայացրել սեփական կանոնադրությունները փոխելուն աջակցելու խնդրանքով, իսկ 250-ից ավելի ՀԿ-ներ մասնակցել են «Հասարակական կազմակերպությունների մասին» նոր օրենքի վերաբերյալ դասընթացներին։ Ծրագրի ղեկավարի կողմից կատարման համար տրվեց այլ հանձնարարականեր:

Հիշեցնենք, որ «Կառուցողական երկխոսության հանձնառություն» ծրագիրն իրականացվում է Եվրոպական Միության ֆինանսական աջակցությամբ` «Իրավաբանների հայկական ասոցիացիա» ՀԿ-ի կողմից` գործընկերներ` «Ագորա Սենթրլ Յուրոփ» ՀԿ-ն (Չեխիա), Ժողովրդավարական կրթության հայկական կենտրոնի (ՍԻՎԻՏԱՍ), Մարդկային զարգացման միջազգային կենտրոնի, ՓՄՁ համագործակցության ասոցիացիայի և Հայաստանի համայնքների միության հետ համագործակցությամբ:

Գևորգ Թոսունյան
Ալեքսանդր Սարգսյան

Իրավաբան.net

  Դիտվել է`

Իրավաբան TV

Հետևեք մեզ Facebook-ում

  Պատուհանը կփակվի 6 վայրկյանից...   Փակել