Մեր երկրում գործող լիցենզավորման կարգերը հաճախակի բարեփոխվում են։ Խոսքն, անշուշտ, բժշկական օգնություն և սպասարկում, դեղերի արտադրություն կամ դեղատնային գործունեություն իրականացնող կազմակերպությունների լիցենզավորման կարգերի մասին է։ Այս մասին հաղորդում են Առողջապահության նախարարությունից:
Այժմ, համագործակցելով մասնագիտական ասոցիացիաների և գլխավոր մասնագետների հետ, հերթական անգամ փոփոխություններ են կատարվում լիցենզավորման գործող կարգերում։ Դրանք միտված են լիցենզավորման գործընթացի ավելի պարզեցմանը, միաժամանակ` արդյունավետ և ժամանակակից բժշկագիտության պահանջներին համապատասխանող իրավական դաշտի ստեղծմանը։
Կարևորելով յուրաքանչյուրի կարծիքը` նախարարությունն առաջարկում է առաջիկա երկու շաբաթվա ընթացքում [email protected] հասցեով ներկայացնել առաջարկներ և դիտողություններ։
Սպասում ենք ձեր արձագանքներին։
