Փաստաբանի նկատմամբ կարգապահական վարույթ հարուցելու հարցը կատարվել է Քրեական դատավարության օրենսգրքի խախտումով

Էրեբունի և Նուբարաշեն վարչական շրջանների ընդհանուր իրավասության դատարանի դատավոր Արտուշ Գաբրիելյանը երեկ՝ հունիսի 29-ին նամակով դիմել է ՀՀ փաստաբանների պալատի նախագահ Արա Զոհրաբյանին։

Նամակը վերաբերում էր նրան, որ «Սասնա ծռերի» գործով վերջին նիստից առաջ դատական նիստերի դահլիճում ամբաստանյալ Արեգ Կյուրեղյանը փաստաբան Արա Ղարագյոզյանին փորձել է գրություն փոխանցել, ինչը սակայն ոստիկանները կանխել են։

Ըստ դատավորի՝ ոստիկանների կողմից վերցված թղթի վրա առկա են հետևյալ գրառումները․

Դատավորը հայտնել է, որ նույն օրը նիստից հետո փաստաբանը ԶԼՄ-ներին տվել է հարցազրույց՝ հայտնելով, որ վերոնշյալ թղթի վրա առկա գրառումները հանդիսանում են փաստաբանական գաղտնիք կազմող տեղեկություններ, որոնք հասցեագրված են եղել իրեն: Դատավորը խնդրել է ՓՊ նախագահին այս հիմքով քննարկել Արա Ղարագյոզյանի նկատմամբ կարգապահական վարույթ հարուցելու հարցը։

Սակայն հարցը նրանում է, որ ըստ ՀՀ քրեական դատավարության օրենսգրքի 314.1 հոդվածի ուսումնասիրության, փաստվում է այն, որ գործի քննությանը մասնակցող դատախազի և գործի քննությանը որպես կողմի ներկայացուցիչ կամ պաշտպան մասնակցող փաստաբանի նկատմամբ կարող են կիրառվել նախազգուշացում՝ պատասխանատվության ենթարկելու վերաբերյալ դիմումով համապատասխանաբար գլխավոր դատախազին կամ Փաստաբանական պալատ դիմելու սանկցիաները:

Գլխավոր դատախազին կամ Փաստաբանական պալատ դիմելը իրականացվում է նույն դատական նիստում կայացվող դատարանի առանձին որոշմամբ:

Վերոդրյալ նկարում երևում է, որ այն միայն գրություն է, այլ ոչ՝ որոշում:

Իրավաբան.net

Հետևեք մեզ Facebook-ում

  Պատուհանը կփակվի 6 վայրկյանից...   Փակել