Նախորդ շաբաթ տեղեկացրել ենք, որ ՀՀ կառավարության որոշմամբ և նախագահի հաստատմամբ՝ մայիսի 18-ին՝ ՀՀ Գեղարքունիքի մարզպետի պաշտոնից ազատվել է Ռաֆիկ Գրիգորյանը։

Պարոն Գրիգորյանը այս պաշտոնին է եղել 2012թ․-ից։

Ստրոև ներկայացնում ենք նրա կենսագրությունը․

Տարեթիվ, ամսաթիվ, ծննդավայր

17.05.1958թ. Գեղարքունիքի մարզ, գյուղ  Ձորագյուղ:

Կրթություն

1989թ. ավարտել է Կիեւի (Ուկրաինա) Գյուղատնտեսական ակադեմիան:

Աշխատանքային գործունեություն

1976-1977թթ. աշխատել է Ձորագյուղի կոլտնտեսությունում:

1982-1996թթ. աշխատել է Ուկրաինայում:

1996-1999թթ. եղել է  ՀՀ Գեղարքունիքի մարզի Ձորագյուղի համայնքի ղեկավար:

1999-2003թթ. Գեղարքունիքի փոխմարզպետ:

2003-2007թթ. ՀՀ Ազգային  ժողովի պտգամավոր (թիվ 31 ընտրատարածք):  ՀՀ Ազգային ժողովի ֆինանսավարկային, բյուջետային և տնտեսական հարցերի մշտական հանձնաժողովի անդամ: ՀՀԿ խմբակցության անդամ:

2007-2012թթ.  ՀՀ Ազգային ժողովի պատգամավոր (համամասնական ընտրակարգ, ՀՀԿ):

19.06.2007-11.07.2008թթ.  ՀՀ Ազգային ժողովի ֆինանսավարկային և բյուջետային հարցերի մշտական հանձնաժողովի անդամ:

11.07.2008-22.08.2008թթ.  ՀՀ Ազգային ժողովի տարածքային կառավարման և տեղական ինքնակառավարման հարցերի մշտական հանձնաժողովի անդամ:

22.08.2008-31.05.2012թթ.  ՀՀ Ազգային ժողովի տարածքային կառավարման և տեղական ինքնակառավարման հարցերի մշտական հանձնաժողովի նախագահի տեղակալ: ՀՀԿ խորհրդի անդամ:

6.05.2012թ.  ՀՀ Ազգային ժողովի պատգամավոր է ընտրվել համամասնական ընտրակարգով՝ Հայաստանի Հանրապետական կուսակցությունից:

31.05.2012թ. ընտրվել է ՀՀ Ազգային ժողովի ժամանակավոր հաշվիչ հանձնաժողովի նախագահ:

2003 թվականից՝ ՀՀԿ Գեղարքունիքի մարզային խորհրդի նախագահ:

2012-2017թթ․ զբաղեցրել է  ՀՀ Գեղարքունիքի մարզպետի պաշտոնը:

Այլ տվյալներ

 Ծառայել է խորհրդային բանակում:  ՀՀ Նախագահի  հրամանագրով  պարգևատրվել է ,,Անանիա Շիրակացի,, մեդալով, ՀՀ ԱԺ նախագահի կողմից՝ ՀՀ ԱԺ պատվո մեդալով, ՀՀ  Պաշտպանության նախարարության «Մարշալ Բաղրամյան»,  «Գարեգին Նժդեհ» և «Ծովակալ Հ.Ս. Իսակով»  մեդալներով,գյուղատնտեսական նվաճումների համար՝  ՀՀ Գյուղատնտեսության նախարարության ոսկե մեդալով,համագործակցության ամրապնդման համար՝ ՀՀ Ոստիկանության մեդալով:

Անձնական տվյալներ

Ամուսնացած է, ունի չորս երեխա և մեկ թոռ: