Կարեն Կարապետյանը վարչապետի պաշտոնը ստանձնեց նախորդ տարվա սեպտեմբերի 13-ին: Պաշտոնը ստանձնելու պահին նա հայտարարագրել էր.
- 4 հատ բնակարան՝ բազմաբնակարանային շենքում,
- այգետնակ,
- LEXUS LX 470 մեքենա,
- TOYOTA LAND CRUISER 100 4.5 մեքենա,
- 50 միլիոն դրամ արժողությամբ բաժնեմաս,
- 3 հատ ձեռքի ժամացույց,
- 3,7 միլիոն դոլար,
- 850 հազար եվրո,
- 120 միլիոն դրամ,
- 55 միլիոն ռուսական ռուբլի:
Վարչապետն ու նրան փոխկապակցված անձիք ներկայացրել են նաև 2016 թվականի գույքի և եկամուտների տարեկան հայտարարագրերը:
Այսպես, 2016-ի սկզբին վարչապետի դրամական միջոցները եղել են 120 միլիոն դրամ, 3,4 միլիոն դոլար, 35 միլիոն ռուբլի և 720 հազար եվրո: Իսկ տարեվերջին՝ 114,7 միլիոն դրամ, 3,7 միլիոն դոլար, 55 միլիոն ռուբլի և 850 հազար եվրո:
Այս տարվա ընթացքում Կարեն Կարապետյանն ունեցել է եկամուտ՝ 70 միլին 850 հազար ռուսական ռուբլի և 36 միլիոն դրամ՝ որպես աշխատանքի դիմաց ստացված վարձատրություն:
2016-ի ընթացքում Կարեն Կարապետյանը անշարժ գույքի կամ այլ գույքի գործարքներ չի կատարել:
Վարչապետի կինը՝ Աստղիկ Կարապետյանը, 2016-ի սկզբին ունեցել է 7,3 միլիոն դրամ, 2,4 միլոն դոլար, 1 միլիոն եվրո և 23,75 միլիոն ռուբլի: Տարեվերջին նրա դրամական միջոցները կազմել են՝ 6,13 միլիոն դրամ, 2,13 միլիոն դոլար, 1 միլիոն եվրո և 21,4 միլիոն ռուբլի: Այս տարվա ընթացքում եկամուտ չի ունեցել, ըստ հայտարարագրի:
Վարչապետի որդու՝ Գոռ Կարապետյանի տարեկան հայտարարագրում նշումներ չկան: Ենթադրվում է, որ նա չունի ոչ եկամուտներ, ոչ գույք:
