Սկսվել է 2017 թ.-ի քննիչի թեկնածությունների ցուցակում ընդգրկված 25 ունկնդրի մասնագիտական պատրաստումը

Փետրվարի 20-ին Արդարադատության ակադեմիայում մեկնարկեց 2017 թվականի ուսումնական գործընթացը: Այսօրվանից սկսվում է քննիչի թեկնածությունների ցուցակում ընդգրկված 25 ունկնդրի մասնագիտական պատրաստումը: Այս մասին հայտնում են Արդարադատության ակադեմիայից:

2017 թվականի առաջին ունկնդիրներին առաջին դասից առաջ ողջունեցին Արդարադատության ակադեմիայի ռեկտոր Սերգեյ Առաքելյանը և Ուսումնական աշխատանքի գծով պրոռեկտոր Ռուզաննա Ղևոնդյանը: Նրանք շնորհավորեցին ունկնդիրներին քննիչի թեկնածությունների ցուցակում ընդգրկվելու կապակցությամբ և հաջող ուսումնառություն մաղթեցին:

Displaying Արդարադատության ակադեմիա 1.JPG

«Լիահույս եմ, որ այս խմբի շրջանավարտները տեղ են գտնելու մեր քննչական համակարգում և հնարավորություն են ունենալու բարձր պահելու Ակադեմիայի և Քննչական կոմիտեի պատիվը: Պատրաստ ենք մեր հնարավորությունների սահմաններում անել ամեն ինչ, որպեսզի դուք, որպես պատրաստի քննիչներ, ներգրավվեք համապատասխան աշխատանքում»,- նշեց ռեկտորը:

Ս. Առաքելյանն ունկնդիրներին մանրամասն ներկայացրեց Ակադեմիայում քննիչի թեկնածությունների ցուցակում ընդգրկված անձանց մասնագիտական պատրաստման ուսուցման ձևը, ժամաքանակը և ժամանակացույցը, ծրագիրը, դասավանդվող առարկաները, փորձաշրջանը, ինչպես նաև քննությունների անցկացման կարգը: Ռեկտորի խոսքով՝ ուսուցման ծրագիրը ուղղված է ունկնդիրների մոտ քննիչի պաշտոնում գործելու համար անհրաժեշտ կարողությունների, հմտությունների ձևավորմանը, մասնագիտական գիտելիքների ծավալի ընդլայնմանը ընդհանուր, հատուկ և հարակից մասնագիտական ոլորտներում: Ուսումնառության ընդհանուր տևողությունը յոթ և կես ամիս է՝ 2017 թվականի փետրվարի 20-ից հոկտեմբերի 6-ը՝ ներառյալ 12 ամիս տևողությամբ փորձաշրջանը:

Ռեկտորը պատասխանեց նաև ունկնդիրների՝ մասնագիտական պատրաստմանն առնչվող ինչպես բովանդակային, այնպես էլ կազմակերպական հարցերին, նաև խոստացավ նման ձևաչափով հանդիպումները դարձնել ամենամսյա:

Հանդիպման ընթացքում ունկնդիրներին հանձնվեցին համապատասխան փաթեթներ՝ ուսումնական նյութերով և մասնագիտական անհրաժեշտ ձեռնարկներով:

Ռեկտոր Սերգեյ Առաքելյանը բարի երթ մաղթեց ունկնդիրներին և ասաց. «Մաղթում եմ հաջողակություն, հաջողակ եղեք, մենք ձեզ հետ լուրջ հույսեր ենք կապում»:

Հանդիպումից անմիջապես հետո մեկնարկեց առաջին դասը՝ «ՀՀ քրեական դատավարության արդի հարցերը»:

Displaying Արդարադատության ակադեմիա 2.JPG

Displaying Արդարադատության ակադեմիա 4.JPG

Իրավաբան.net

Հետևեք մեզ Facebook-ում

  Պատուհանը կփակվի 6 վայրկյանից...   Փակել