Նորություններ

Հարավային Կորեայում ձերբակալվել է Samsung ընկերության հավանական ժառանգորդ Լի Չժե Յոնգը

Հարավային Կորեայի Samsung ընկերության հավանական ժառանգորդ Լի Չժե Յոնգը ձերբակալվել է կաշառակերության և այլ մեղադրանքներով։

Գործն առնչություն ունի նաև այն աղմկահարույց գործի հետ, որը բերեց երկրի նախագահ Պակ Կըն Հեի իմփիչմենթի հարցին: Այս մասին տեղեկացնում է «BBC»-ն:

Samsung ընկերությունը մեղադրվում է նախագահի մտերիմ ընկերուհու՝ Չոյ սուն Սիլի կողմից գործարկվող շահույթ չհետապնդող հիմնադրամներին խոշոր գումարներ տրամադրելու համար։ Դրա դիմաց ընկերությունը օգտվում էր կառավարության հովանավորչությունից։

Պարոն Լին և Samsung ընկերությունը ժխտում են խախտումների վերաբերյալ բոլոր մեղադրանքները:

Samsung ընկերության տնօրենի պաշտոնակատարը դատախազությունում առաջին անգամ հարցաքննվել է հունվարին, սակայն այդ ժամանակ նրան ձերբակալելու որոշում չընդունվեց։

Երկրորդ հարցաքննությունը տեղի է ունեցել այս շաբաթվա սկզբին։

Ուրբաթ օրը, հիմնվելով նոր առաջադրված քրեական մեղադրանքների և ապացույցների վրա, դատարանը որոշեց ձերբակալել Լի Չժե Յոնգին։

Պատրաստեց` Սոֆյա Սարգսյանը

Իրավաբան.net

  Դիտվել է`

Իրավաբան TV

Հետևեք մեզ Facebook-ում

  Պատուհանը կփակվի 6 վայրկյանից...   Փակել