ՀՀ նախագահը նոր հրամանագիր է ստորագրել՝ Լիտվայի Հանրապետությունում Հայաստանի Հանրապետության արտակարգ և լիազոր դեսպան նշանակելու վերաբերյալ: Այս մասին տեղեկանում ենք ՀՀ նախագահի աշխատակազմից:
Մասնավորապես, այսօր ընդունված ՆՀ-443-Ա հրամանագրում նշվում է. «Ղեկավարվելով 2005 թվականի փոփոխություններով Հայաստանի Հանրապետության Սահմանադրության 55-րդ հոդվածի 8-րդ կետով` որոշում եմ. Տիգրան Մկրտչյանին նշանակել Լիտվայի Հանրապետությունում Հայաստանի Հանրապետության արտակարգ և լիազոր դեսպան (նստավայրը` Վիլնյուս)»:
Ստորև ներկայացնում ենք Տիգրան Մկրտչյանի կենսագրական տվյալները.
Ծննդյան տարեթիվ և վայր
Ծնվել է 1978թ. մայիսի 29-ին Երևանում:
Կրթություն
2011-2014թթ. Ռուս-հայկական (սլավոնական) համալսարանի քաղաքագիտության ֆակուլտետի հայցորդություն
2001-2004թթ. ԵՊՀ Պատմության ֆակուլտետի համաշխարհային պատմության ամբիոնի ասպիրանտուրա
2003-2004թթ. Քեմբրիջի Համալսարանի միջազգային հարաբերությունների ֆակուլտետի մագիստրատուրա (Չիվնինգ կրթաթոշակառու), Մեծ Բրիտանիա 1
999-2001թթ. ԵՊՀ Պատմության ֆակուլտետի համաշխարհային պատմության ամբիոնի մագիստրատուրա
1995-1999թթ. ԵՊՀ Պատմության ֆակուլտետի բակալավրիատ
1990-1995թթ. Երևանի Հակոբ Օշականի անվան թիվ 172 միջնակարգ դպրոց 1
985-1990թթ. Երևանի Ստեփան Զորյանի անվան թիվ 56 միջնակարգ դպրոց
Աշխատանքային գործունեություն
2013թ.-ից ՀՀ Արտաքին գործերի նախարարության մամուլի, տեղեկատվության և հասարակայնության հետ կապի վարչության պետի պաշտոնակատար:
2014թ.-ից ԵՊՀ Պատմության ֆակուլտետի, համաշխարհային պատմության ամբիոնի հրավիրյալ դասախոս:
2010-2014թթ. ՀՀ Արտաքին գործերի նախարարության մամուլի, տեղեկատվության և հասարակայնության հետ կապի վարչության պետի պարտականություններ կատարող:
2010 -2014թթ. ՀՀ Արտաքին գործերի նախարարի խորհրդական:
2007-2010թթ. Եվրոպական Կայունության Նախաձեռնություն հասարակական կազմակերպության հայաստանյան վերլուծաբան:
2006 -2008թթ. Հայկական միջազգային տնտեսական հետազոտությունների խումբ, ՀԿ, գործադիր տնօրեն:
2005-2006թթ. ՀՀ Ազգային ժողովի նախագահի խորհրդական:
Դիվանագիտական աստիճան
ՀՀ Նախագահի կողմից շնորհվել է Հայաստանի Հանրապետության արտակարգ դեսպանորդ և լիազոր նախարարի դիվանագիտական աստիճան (2013թ. հունիսի 10):
Գիտական աստիճան
Քաղաքական գիտությունների թեկնածու (ՀՀ ՊՆ Ազգային ռազմավարական հետազոտությունների ինստիտուտում գործող ՀՀ ԲՈՀ-ի Քաղաքական գիտություններ և միջազգային հարաբերություններ – 056 մասնագիտական խորհրդի որոշմամբ 2015թ. նոյեմբերի 18-ին շնորհվել է քաղաքական գիտությունների թեկնածուի գիտական աստիճան): Ատենախոսության թեման՝ Քաղաքական պահպանողականության ձևավորումը Անգլիայում (18-րդ դարի երկրորդ կես-19-րդ դարի սկիզբ):
Հեղինակ է մենագրության, Հայաստանում և արտերկրում տպած շուրջ երկու տասնյակ գիտական հոդվածների՝ քաղաքական տեսության, քաղաքական մտքի պատմության, տարածաշրջանային քաղաքականության վերաբերյալ:
Պարգևներ
2016թ. մարտի 1-ին, դիվանագետի օրվա առթիվ, արդյունավետ և բարեխիղճ գործունեության համար ՀՀ Նախագահի հրամանագրով պարգևատրվել է Մխիթար Գոշի մեդալով:
2015թ. մարտի 2-ին բարեխիղճ և արդյունավետ աշխատանքի համար պարգևատրվել է ՀՀ ԱԳՆ Ջոն Կիրակոսյանի անվան մեդալով:
Լեզուների իմացություն
Անգլերեն, ռուսերեն
Ընտանեկան կարգավիճակ
Ամուսնացած է, ունի որդի
