Ապրիլի 30-ին, ժամը 21.32-ին ահազանգ է ստացվել, ու Երևանի Մյասնիկյան պողոտայի թիվ 1 հասցեի մոտակայքում տեղի է ունեցել ՃՏՊ. բախվել են երթուղային ավտոբուսը և «Mercedes-ML» մակնիշի ավտոմեքենան, կան արգելափակված քաղաքացիներ. անհրաժեշտ է փրկարարների օգնությունը:
Դեպքի վայր են մեկնել ՃԿԱԿ ԱԻԱԽ-ն, փրկարար ջոկատը և ՃԿԱԿ օպերատիվ խումբը:
Պարզվել է, որ Աբովյան փողոցի թիվ 66ա շենքի մոտակայքում բախվել են թիվ 46 երթուղուն պատկանող «Hundai» մակնիշի 1193 Տ պետհամարանիշի ավտոբուսը (վարորդ՝ Ա. Ղ. 1978 թ. ծնված), «Mercedes-ML» մակնիշի О 095 НТ 777 պետհամարանիշի (վարորդ՝ Կ. Տ. 1966 թ. ծնված) և «Wolksvagen Golf» մակնիշի 41 RM 400 պետհամարանիշի (վարորդ՝ Ռ. Մ. 1993 թ. ծնված) ավտոմեքենաները. տուժածներ չկան:
Փրկարարները հոսանքազրկել են ավտոմեքենաները և փակել գազի բալոնների փականները:
