ՀՀ նախագահի կարգադրությամբ փետրվարի 24-ին Արմեն Ռազմիկի Հարությունյանը նշակակվեց ՀՀ նախագահի ռեֆերենտ: Նա մինչ այս պաշտոնում նշանակվելը ՀՀ արդարադատության նախարարության Դատական ակտերի հարակադիր ծառայության պետի տեղակալի պաշտոնն էր զբաղեցնում:
Այսպիսով, Արմեն Հարությունյանը ՀՀ գլխավոր հարկադիրի տեղակալի պաշտոնը ստանձնել է 2014 թվականի հուլիսի 8-ին: Պաշտոնը ստանձնելիս նա հայտարարագրել է մեկ հատ բնակարան՝ բազմաբնակարան շենքում, 29 հազար եվրո, 1.2 միլիոն դրամ:
2014 թվականի տարեսկզբին նա ունեցել է 27 հազար եվրո և 500 հազար դրամ, իսկ տարեվերջին՝ 33 հազար եվրո և 350 հազար դրամ: Այս տարվա ընթացքում նրա եկամուտները կազմել են 6.69 միլիոն դրամ՝ ստացված աշխատավարձից:
2015 թվականին նրա դրամական միջոցները կազմել են 38 հազար եվրո և 600 հազար դրամ, իսկ եկամուտը, որը ստացվել է աշխատանքի դիմաց վարձրատրությունից, 11.38 միլիոն դրամ:
2016 թվականին պաշտոնը դադարեցնելու պահին նա հայտարարագրել է մեկ բնակարան՝ բազմաբնակարան շենքում, 38 հազար եվրո և 250 հազար դրամ:
Նրա կինը՝ Արմինե Գևորգյանը, 2014 թվականի ընթացքում 4.92 միլիոն դրամով ձեռք է բերել MERCEDES-BENZ C230 ավտոմեքենա: Այս տերսկզբին նրա դրամական միջոցները կազմել են 55 հազար ԱՄՆ դոլար, իսկ տարեվերջին՝ 41.7 հազար ԱՄՆ դոլար: Իսկ եկամուտը ստացվել է աշխատավարձից՝ 1.2 միլիոն դրամ:
2015-ի ընթացքում Արմինե Գևորգյանի դրամական միջոցները նվազել են՝ դառնալով 27 հազար դոլար, իսկ եկամուտը մնացել է նույնը՝ 1.2 միլիոն դրամ:
