Փետրվարի 19-ին ՀՀ դատավորների ընդհանուր ժողովն ընտրեց 2015 թվականի լավագույն դատավորներին ու դատարանները:
Հիշեցնենք, որ «Տարվա լավագույն դատավոր» և «Տարվա լավագույն դատարան»մրցանակները սահմանվել են ՀՀ դատավորների ընդհանուր ժողովի՝ 2009 թվականիփետրվարի 19-ի որոշմամբ և շնորհվում են յուրաքանչյուր տարի:
2015 թվականի լավագույն դատավորների և դատարանների ընտրության նպատակով ՀՀ դատարանների նախագահների խորհուրդը 2016 թվականի փետրվարի12-ի թիվ 13Լ որոշմամբ ձևավորել է հանձնաժողով՝ ՀՀ վճռաբեկ դատարանինախագահի գլխավորությամբ: Հանձնաժողովի կազմում ընդգրկվել են ՀՀ վճռաբեկդատարանի պալատների նախագահները և ՀՀ վերաքննիչ դատարաններինախագահները: Հանձնաժողովը պետք է կատարեր համապատասխանուսումնասիրություններ և ներկայացներ եզրակացություն: Հանձնաժողովը սահմանել է «Տարվա լավագույն դատավոր» և «Տարվա լավագույն դատարան»անվանակարգերում թեկնածուների որոշման հիմնական չափորոշիչները, դրանք են՝
- Քննվող գործերի քանակը,
- Բողոքարկված և բեկանված կամ փոփոխված գործերի քանակը,
- Գործերի քննության ողջամիտ ժամկետների պահպանումը,
- Դատավորների մասնակցությունը վերապատրաստման դասընթացներին,սեմինարներին և այլ միջոցառումներին,
- Կարգապահությունը,
- Դատավորի դեմ ներկայացված հիմնավոր դիմում-բողոքները,
- Դատավորի մասին մամուլի հիմնավորված հրապարակումները,
- ՀՀ արդարադատության խորհրդի կարգապահական և ՀՀ դատավորներիընդհանուր ժողովի էթիկայի և կարգապահական հարցերի հանձնաժողովներումվարույթների հարուցումը և դրանց ընթացքը,
- Դատավորի վարքագիծը և հեղինակությունը,
- Կոլեկտիվի վերաբերմունքը դատավորի նկատմամբ:
Վերոնշյալ չափանիշների հիման վրա՝ 2015 թվականի «Տարվա լավագույնդատավոր» են ճանաչվել Արմավիրի մարզի ընդհանուր իրավասության առաջին ատյանի դատարանի դատավորներ Նաիրա Գրիգորյանը և Էդգար Հովհաննիսյանը,Երևանի Էրեբունի և Նուբարաշեն վարչական շրջանների ընդհանուր իրավասության առաջին ատյանի դատարանի դատավոր Գայանե Խաչատրյանը, Լոռու մարզի ընդհանուր իրավասության առաջին ատյանի դատարանի դատավոր Նարինե Հովակիմյանը և Երևանի Շենգավիթ վարչական շրջանի ընդհանուր իրավասության առաջին ատյանի դատարանի դատավոր Ալեքսանդր Ազարյանը:
