ՀՀ քննչական կոմիտեի Երևան քաղաքի քննչական վարչության Ավան և Նոր Նորք վարչական շրջանների քննչական բաժնում հարուցվել է քրեական գործ՝ 29-ամյա երիտասարդի ինքնասպանության փորձի դեպքի առթիվ: Հայտնում են Քննչական կոմիտեից:
2016թ. փետրվարի 10-ին՝ ժամը 19:50-ին, «Սուրբ Գրիգոր Լուսավորիչ» բժշկական կենտրոնից ահազանգ է ստացվել այն մասին, որ Երևան քաղաքի Մոլդովական փողոցի շենքերից մեկի հարևանությամբ գտնվող ավտոտնակից «աջ քունքային շրջանի հրազենային վնասվածք» ախտորոշմամբ իրենց մոտ է տեղափոխվել 1987թ. ծնված Ս.Առաքելյանը: Վերջինիս մայրը հիվանդանոցում հայտարարել է, որ որդին ինքն իրեն կրակել է:
Դեպքի առթիվ հարուցվել է քրեական գործ՝ ՀՀ քրեական օրենսգրքի 110-րդ հոդվածի 1-ին և 235-րդ հոդվածի 1-ին մասերով:
Կատարվում է նախաքննություն:
Քննություն է տարվում պարզելու երիտասարդի` ինքնասպանության փորձ կատարելու հանգամանքները, պատճառները: Քրեական գործով էական հանգամանքներ պարզելու համար նշանակվել են փորձաքննություններ:
