Կառավարության նիստերի դահլիճի սեղանների բաժակների պակասության խնդիրն այսօր հասավ նաև Դավիթ Հարությունյանին՝ ՀՀ Կառավարության աշխատակազմի ղեկավար-նախարարին. «Սեղանին բաժակ չկա»,- ասաց նախարարներից մեկը, պարոն Հարությունյանն իրեն չկորցրեց ու կատակեց. «Փամփուշտ էլ չկա»: Մինչ այդ նա զայրացած հրահանգում էր ուշացող նախարարների համար փակել նիստերի դահլիճի դուռը, դուռը փակվեց, սակայն ծխող նախարարներից ոմանք ուշ մտան: Ինչո՞վ էր պայմանավորված այս մոտեցումը, պարզ եղավ նիստի ավարտին՝ վարչապետ Հովիկ Աբրահամյանը նախարարներին և գործադիրի մյուս անդամներից հորդորեց աշխատանքից չուշանալ:
Լուսանկարները՝ Գևորգ Թոսունյանի