«Սահմանադրական բարեփոխումների նախագծով մենք ունենք այնպիսի հեղափոխական լուծումներ, որոնց բացակայությունն ուղղակի արգելակում էին լրոտի մեր ցանկալի արդյունքները ցույց տալուն»,- այս մասին ասաց իրավաբանական գիտությունների դոկտոր պրոֆեսոր, Սահմանադրական բարեփոխումների մասնագիտական հանձնաժողովի անդամ Գագիկ Ղազինյանը՝ անդրադառնալով նախագծում դատական իշխանությանը վերաբերող իրավակարագավորումներին:
Իրավաբան.net-ի այն հարցին, թե արդյո՞ք խնդիր չի տեսնում, որ վճռաբեկ դատարանի դատավորները պետք է ընտրվեն Ազգային ժողովի կողմից, իսկ նույն նախագծի համաձայն, ԱԺ-ում պետք է հաստատված լինի կայուն մեծամասնություն, հետևաբար, ենթադրվում է, որ վճռաբեկ ատյանի դատավորները նշանակվելու են իշխող կուսակցության ցանկությամբ, Գ. Ղազինյանը պատասխանեց.
«Իհարկե, այդտեղ խնդիր կա: Իրավակարգավորումների մասով եթե մի քիչ կասկած է առաջացնում, ապա հենց դա է: Այնպես չէ, որ հանձնաժողովում ցանկացած հարց անցել է կոնսենսուսով կամ միաձայն համաձայնությամբ: Եղել են կասկածներ, վեճեր, ուղղակի գերակշռել է այդ տեսակետը, որ այս դեպքում հրապարակային, մրցույթային կարգով ենք անում: Նաեւհույս ունենալով, որ ապագա խորհրդարանը (չգիտեմ որքանով է հիմնավոր այդ հույսը) կլինի ավելի բարձրակարգ, բարձորակ եւ վեր կկանգնեն քաղաքական, կուսակցական, անձնական ամբիցիաներից եւ կընտրեն լավագույններին: Այդ դեպքում, միգուցե, իր նպատակին կծառայի: Հակառակ դեպքում, կարող ենք համարել, որ լուծումն այնքան էլ հաջող չէր»:
Գագիկ Ղազինյանը նշեց, որ Վենետիկի հանձնաժողովն էլ այդ խնդիրը տեսել է՝ նշելով, որ այդպիսով կարող է խախտվել իշխանությունների հավասարակշռության սկզբունքը:
