Նորություններ

«Գործը ստանալիս` թիմով ենք աշխատում, թիմով ենք պատասխանատու». իրավաբանական ընկերության համահիմադիր

Ինձ պետք չէ փաստաբան, որ ասի, թե ինչ չեմ կարող անել.
ես վարձում եմ նրան այն բանի համար, որ ասի,
թե ինչպես անել այն, ինչն ուզում եմ անել:
(Ջ. Մորգան)

 

 

Իրավաբան.net-ը շարունակում է ընթերցողին ծանոթացնել Հայաստանում գործող իրավաբանական ընկերություններին: «Հայաստանյան իրավաբանական ընկերությունները» շարքի երկրորդ հյուրը «ԱԳՐԻՄԵՆԹ» իրավաբանական (փաստաբանական) ընկերության համահիմնադիր Ռոման Ահարոնյանն է:


-Ձեր իրավաբանական ընկերությունը ստեղծվել է 2011 թվականին: Մանրամասեք` ի˚նչ իրավաբանական ծառայություններ է մատուցում:

-Նախ ասեմ, որ սեպտեմբերի 1-ին լրացավ «ԱԳՐԻՄԵՆԹ»-ի գործունեության մեկ տարին: Մատուցում ենք «Փաստաբանության մասին» ՀՀ օրենքով սահմանված փաստաբանական ծառայություններ և’ ֆիզիկական, և’ իրավաբանական անձանց: Վերջիններիս հետ կապված իրականացում են ներքին փաստաթղթաշրջանառությունից սկսած (նաև կադրային գործ և այլն) մինչև արտաքին` բանակցային հարաբերություններ կամ դատական կամ պետական և այլ սպասարկում: Իսկ իրավաբանական անձանց համար` ըստ պատվերի, իրականացում ենք իրավաբանական աուդիտ: Սպասարկման ոլորտը լայն է` քաղաքացիական, քրեական, վարչական:
Գործը ստանալիս` թիմով ենք աշխատում, թիմով ենք պատասխանատու (խիստ տարանջատված չի անձի մասնագիտացումը): Իհարկե, վերջում գործը վարելու է մեկ կամ երկու հոգի, սակայն ցանկացած առաջադրանքի վրա աշխատում ենք բոլորս:


-Կարծում եմ մարդկանց համար կարևոր է, թե գրպանում որքա˚ն գումար ունենալու դեպքում կարող են դիմել «ԱԳՐԻՄԵՆԹ»-ին: Կա˚ գումարային սահմանված շեմ իրավաբանական ծառայությունների համար:

-Կողմորոշիչ գներ ունենք սահմանված, սակայն փորձը ցույց է տալիս, որ այն չի գործում, քանի որ կախված է առաջադրանքի ծավալից, բարդությունից: Եղել է, որ անվճար ենք սպասարկել մարդկանց… Հաշվի ենք առնում վստահորդի ֆինանսական հնարավորությունները: Մեզ համար առաջնայինը քաղաքացու իրավունքները վերականգնել է: Գրասենյակը երբեք այնպիսի մոտեցում ցույց չի տա, որ վստահորդը չկարողացավ վճարել, ուստի մենք կմերժենք նրան:


-Ձեր իրավաբանական ընկերության կայքէջում նշվում է, որ արդարադատության իրականացման բնագավառն այսօր արձանագրել է որոշակի առաջընթաց և դրանում իրենց ներդրումն ունեն նաև մեր երկրի իրավաբաններն ու փաստաբանները, որոնց գործադրած ջանքերն այսօր արդյունք են տալիս: Ըստ Ձեզ` ի˚նչ առաջընթացի է արձանագրել արդարադատության իրականացման բնագավառը վերջին 10 տարվա ընթացքում:

-Նկատելի: Չեմ վախենա ասել, որ այսօր շատ բարեփոխումներ փաստաբանների համառության, հետևողականության արդյունքում են, որ կատարվել են: Չի կարել չնկատել դրական տեղաշարժը:

-Ի˚նչը կարող է խոչընդոտ լինել Ձեր փաստաբանների համար արդարադատության իրականացման ճանապարհին:

-Այն, ինչը ոչ միայն արդարադատության, այլ նաև կյանքի բոլոր բնագավառներում է խոչընդոտում` շատ օբյեկտիվ և սուբյեկտիվ պատճառներ, նաև անձով պայմանավորված… Նման դեպքերում մինչև վերջ ենք պայքարում: Այսօր մեզ համար լավ դուռ է Մարդու իրավունքների եվրոպական դատարանը, որ անձի իրավունքների վերականգնումը չի սպառվում միայն ներպետական ատյաններով, և հարցի լուծումը միայն ներպետական շրջանակներում չի սահմանափակվում: Անձով պայմանավորված մենք երբեք չենք երկնչում:

-Իսկ ի˚նչ հաջողված պատմություններ եք ունեցել այս մեկ տարվա ընթացքում:

-Շատ հաջողված գործեր ունենք… Երբ մենք գործերը վերցնում ենք, հաճախ ճանաչում ենք հակառակ կողմին` նրա դիրքը, հնարավությունները: Բայց մենք ունենք նման հաջողված գործեր, երբ չենք երկնչել դիմացինի դիրքից, գնացել ենք մինչև վերջ` վերականգնելով քաղաքացու խախտված իրավունքը:

-Դատական և իրավական բարեփոխումների 2012-2016 թվականների ռազմավարական ծրագիրն ինչպիսի˚ն կարող է դարձնել Հայաստանը:

-Իրատեսական ծրագիր է: Եթե իրականանա, ապա դրական շատ տեղաշարժ կարող են լինել: Մենք նաև մեր ամենօրյա աշխատանքով պետք է նպաստենք նրան, որ ռազմավարական ծրագիրն իրականանա:

-Կհիշե˚ք հետաքրքիր դեպք կապված վստահորդների հետ:

-Մի կին զանգել էր, ասում էր` եկեք դատի տանք մի բժշկի, ով խոստացել է, որ մեր հարսը կհղիանա, չի հղիանում…

Կարդացեք նաև «Արմադել Քոնսալթինգ» իրավաբանական ընկերության հիմնադիր ու գործադիր տնօրեն Արմեն Բաղդասարյանի հետ հարցազրույցը:

 

Նունե Հովսեփյան

Աղբյուրը` Իրավաբան.net

  Դիտվել է`

Իրավաբան TV

Հետևեք մեզ Facebook-ում

  Պատուհանը կփակվի 6 վայրկյանից...   Փակել