Արդեն երրորդ շաբաթն է, ինչ Վերաքննիչ քրեական դատարանում հետաձգվում են Դատական դեպարտամենտի նախկին ղեկավարի և հիմնարկի 12 աշխատակիցների գործով նիստերը: Այսօր 12:00-ին պետք է տեղի ունենար հերթական նիստը, նախագահող դատավոր Կարինե Ղազարյան, մտնելով նիստերի դահլիճ, հայտնեց կողմերին, որ դատավորներից Վազգեն Ռշտունին եղել է գործուղման և վատառողջ վերադարձավ: Դատավորի խոսքերով` պարոն Ռշտունին կկարողանա միանալ իրենց միայն մեկ ժամ ուշացմամբ: Այնպես որ որոշվեց նիստը հետաձգել:
Հիշեցնենք՝ առաջին ատյանի դատարանը՝ դատավոր Արշակ Վարդանյանի նախագահությամբ այս տարվա հուլիսի 18-ին կայացրեց սույն գործով դատավճիռը: Ամբաստանյալները մեղադրվում էին հանցավոր խումբ ստեղծելու և պետությունից 115 մլն դրամի չափով հափշտակություն կատարելու մեջ:
