Այս գործի մյուս նիստերը՝
բացել բոլորը
Փակել

Լարված իրավիճակ Հայկ Կյուրեղյանի գործով նիստին. ամբաստանյալին դատում են՝ առանց իր ներկայությամբ

Հայկ Կյուրեղյանի գործով հերթական դատական նիստը սկսվեց կես ժամ ուշացումով: Այս մասին Իրավաբան.net-ի թղթակիցը հաղորդում է Կենտրոն և Նորք Մարաշ ընդհանուր իրավասության դատարանից:

Երբ դատարանը հայտարարեց նիստը սկսվելու մասին, դահլիճում հավաքվածները սկսեցին գոռալ, որ դատավորը բարձր խոսի, նրան բղավեցին, որ ամբաստանյալին դատում են առանց նրա մասնակցության, քանի որ նիստերի դահլիճում նա չկար:

Դատավոր Արմեն Բեկթաշյանը հայտարարեց հինգ րոպե ընդմիջում և հեռացավ նիստերի դահլիճից, իսկ այդ ընթացքում հավաքվածները շարունակում էին Հայկին աջակցող արտահայտություններ գոչել: Նրանք նաև «ամոթ» վանկարկումներով դիմավորեցին դատախազին՝ հարցնելով, թե արդյոք նրա խիղճը չի տանում 14 տարի միջնորդելու համար:

Դատարանում նաև հայտարարեցին, որ տեխնիկական խնդիր կա և դահլիճը փոխեցին, հավաքվածները տեղափոխվել են ավելի փոքր դահլիճ, որտեղ ներս չեն թողնում ամբաստանյալի ընկերների ու ազգականներին, ինչպես նաև այլ անձանց, բացի լրագրողներից:

Դատարանի ողջ շենքում աղմուկ է ու լսվում է «ամոթ» վանկարկումները:

Անցել է 5 րոպե, սակայն նիստը դեռ չի սկսվել:

Իրավաբան.net

Այս գործի մյուս նիստերը՝

Այլ դատական գործեր

Կարևոր լուրեր

Հետևեք մեզ Facebook-ում

  Պատուհանը կփակվի 6 վայրկյանից...   Փակել